Most Nakakaparanoid Award

Night and Day

Sa game na 'to, hindi ko maintindihan kung bakit gusto ng karamihan sa kanila yung manghahabol kesa sa hahabulin. Gustung-gusto ko talaga yung feeling ng hinahabol at kinakabahan na feeling ko ay mamamatay ako kapag naabutan nila ako. Hahaha. Nakakatuwa pang tingnan yung iba kong teammates (feeling ko isa rin ako dun) na tumatakbo pa rin kahit ang layo na namin sa territory line namin at sobrang safe na. Sobrang mas nag-eenjoy ako kapag kami yung hinahabol kasi mas may challenge at may suspense. Hindi ko kasi maramdaman yung sense of fulfillment sa pagtatag ng classmates. Hahahaha.

Ang MVP para sa akin ay si Saia kasi mabilis siyang tumakbo in the same way na ang dami niyang naitatag sa opposing team.

Ang variation ko for this game ay dapat magfoform ng isang line lang ang lahat ng players. Pagkakita ng symbol na night or day, saka sila magdedecide kung saan sila pupunta. Iwas gayahan. Mas nakakalito at nakakatawa.

Most Ang Daming Versions Award

Aswang-aswang

Ito na yata ang game na may pinakamaraming versions. At lahat ng version na yun ay naenjoy ko. Ang madalas na technique ng mga classmates ko (kasama ako) ay ang magtago muna sa gitna ng bilog at hayaan munang maubos ang nasa labas bago mag-effort na umiwas sa mga taya. Proven and tested naman siya kasi madalas na nasa last three ako sa mga natataya. Hahahaha. Yabang? Natutuwa talaga ako kapag nilalaro ko 'to kasi sobrang tumataas ang energy ko. Lagi akong takot na takot mataya at kinakabahan. Hahahaha

Hindi ko talaga napapansin ang iba kong classmates 'pag naglalaro ako nito dahil sa sobrang kaba. Sarili ko lang ang iniintindi ko. Lagi naman akong kasama sa last few people na natataya kaya tingin ko na deserve ko naman ang MVP dito (na naman! hahaha).

Sa dami nga variation na nakita ko ng ginamit dito, hindi ko na alam kung meron pang ibang magpapaexcite sa game na 'to. Siguro, kung mayroong dalawang team. Yung magkakampi, ang goal nila ay isave ang isa't isa. Yung magkakalaban, syempre ang tayain ang isa't isa. Mas magiging matagal yung game kasi may element ng save. Tapos minsan, malilito pa yung mga players kung sino ang teammate nila at hindi. Kapag inakala mong teammate mo yun tapos hindi pala, malas mo.

Most Tawa lang Ako ng Tawa Award

Lawin at Sisiw

Ito yung game na sobrang naenjoy ko kahit hindi ako masyadong nag-effort o kaya nachallenge. Since nasa gitna ako lagi ng thread, lagi lang akong nahihila ng hen. Tuwang-tuwang talaga ako kapag nadadrag ako ng sobrang bilis. Ang saya! Parang iyon iyong challenge, ang 'wag kumawala sa teammates kahit gaano kabilis ng mga pangyayari. Hahahaha. Sobrang challenging no'n para sa hen at sa dulong sisiw kasi kailangan nila ng tamang diskarte para mauna sila na maabot yung dulo ng opposing team. Tapos ang saya tingnan nung mga nasa huli na umiiwas sa hen. Kahit hindi naman ako yung nasa huli, sobrang natataranta ako at oa kung umiwas! Hahahaha.

Ang MVP ko ay sina Gilbert, Chares, at Saia kasi sila talaga yung magaling manghabol at magprotekta at the same time

Ang variation ko for this game ay iyong mga kumakawala (o nakakawala) sa thread ay hindi na pwedeng kumabit ulit dun sa binitawan (o nabitawan) nila instead magiging bagong set sila ng hen at mga sisiw. So kung nagsimula sa 2 teams ang game tapos may kumawala, magiging tatlo na yung team na maghahabulan. Mas challenging at feeling ko mas mag-eeffort silang kumapit ng mabuti sa dinudugtungan nila. Hahahaha

Most Ang Powerful Ko Award

Pusa't Daga

Dito sa game na 'to ko nafeel ang lakas ko. Ang role ko in all the rounds ay part ng taong bayan. Akala ko noong una walang effort ang gagawin ko. In contrary, ang dami naming ginawa at ang saya. Nakakatawa yung paggitgit namin sa isa't isa para protektahan yung daga. Feeling ko pa ay sobrang lakas ko kasi lahat yata ng nagattempt na makapasok sa magkabilang sides ko ay hindi lumusot. Hahahaha. Todo gitgit kung gitgit talaga. Kailangan din ng focus at alertness kasi hindi mo alam kung kelan ba aatake ang pusa. Tapos, sobrang nakakahawa pa ang energy ng mga kasama ko kaya kung anu-anong klaseng paghila, pagtulak, at pagbatak ang ginawa namin sa isa't isa. Ang saya lang kasi lahat kami ay game na game.

Ang MVP ko as daga ay si Arianne. Sa tao, AKO ulit!! Hahahaha

Ang variation ko for this game ay dapat magkakaroon ng LIHIM na kasabawat yung pusa na tutulong sa kanya. Iyong mga tao, magdududa sa isa't isa tapos kapag nafigure out na nila yung taksil, dun sila maglalagay ng extra protection. In other words, itotorture nila yung taksil sa paggitgit. (hahahaha. joke lang!)

Most Hiningal Ako Award

Berong-berong

Sa game na 'to dapat magpakainvisible ka sa simula para hindi ka mapagod katatakbo ng pabalik-balik. Sa haba ng game, sobrang hihingalin ka kung nagpapahabol ka ng nagpapahabol sa mga taya. Pero kahit hindi naman ako nagpapansin sa mga taya, grabe, sobrang hiningal pa rin ako kahit nung nagsisimula pa lang kami. Hahahaha. Ito rin ang game na feeling ko ay kalaban ko ang buong mundo (oa! hahaha) lalo na noong dalawa na lang kaming hindi natataya. Wala na talaga akong choice kundi tumakbo ng tumakbo. Sobrang saya lang especially kung ikaw yung hinahabol. Kahit mas nakakapagod, nakakahingal, at nakakalito, mas enjoy pa rin. Feeling ko kasi kapag nataya ka na (especially yung mga nasa gitna ng thread), ang boring na ng game kasi susunod ka na lang ng susunod sa naglelead sa inyo. Wala ng challenge.

Bukod sa sarili ko (hahaha), ang isa pang MVP dito ay si West. Sobrang bilis nya kasi talaga tumakbo at siya yata yung nanalo in both rounds.

Ang variation ko for this game ay by partner ang laro. Iyong magpartner dapat magkahawak ng kamay. Syempre mas nakakalito yun, mas riot, at extra challenging kasi dalawang utak at katawan na ang maglalaro as one.